Në emisionin special BOMBAT QË NDRYSHUAN HISTORINË, në PRESING T7 të Leonard Kërqukut, më 24 Mars 2025, njëri nga opinionistët, Baton Haxhiu, në mes tjerash deklaroi se lufta e UÇK-së në Maqedoni, në një kontest historik krejt të budallakaftë…,!
Është i njohur fakti se, pas përfundimit të luftës së UÇK-së dhe pas hyrjes së KFOR-it në Kosovë më 12 Qershor 1999, Lëvizja Popullore e Kosovës e vazhdoi luftën e armatosur çlirimtare, nuk u mjaftua vetëm me çlirimin e Kosovës!
Pra LPK, në vitin 2000 e emërtoi UÇPMB-në në Luginë të Preshevës dhe në vitin 2001 Ushtrinë Çlirimtare Kombëtare në Maqedoni të Veriut!
Katër nga emertuesit e UÇK-së më 17 Nëntor 1994 në Arau të Zvicrrës, Ali Ahmeti, Emrush Xhemaili, Fazli Veliu dhe Gafurr Elashani, ishin firmëtarët vendim marrës të emertimit edhe të UÇPMB-së dhe Ushtrisë Çlirimtare Kombëtare!
Nuk është hera e parë që Baton Haxhiu i sulmon, derdh helm e vrerë, i etiketon dhe i denigron simotrat e Ushtrisë Çlirimtare të Kosovës, UÇPMB-në dhe UÇK-në Kombëtare!
Deklarimi se:“…bota shqiptare atje ishte mjaftueshëm e fortë për ta luftuar nacionalizmin maqedonas..”, është përbuzës dhe fyes, sepse nuk është e vërtetë!
Nuk është e vërtetë se Partia Demokratike Shqiptare e Arber Xhaferit, ishte aq e fortë për të përballuar luftën e nacionalizmit maqedonas, dhe nuk paska pasur nevojë për luftë të armatosur, për të sjellur barazi e demokratizim të pozitës shtypëse dhe të pabarabartë të popullit shqiptar në Maqedoninë e Veriut!
Lufta heroike e Ushtrisë Çlirimtare Kombëtare, gjaku i derdhur i Heronjëve dhe Dëshmorëve të Kombit për liri, barazi e të drejta të barabarta kombëtare e shtetërore, arritja e Marrveshjes së Ohrit dhe fitore e suksese të tjera, e dëshmojnë katërcipërisht domosdoshmërinë e luftës me arme ne dorë, për të arritur vendosjen e drejtësisë dhe demokracisë edhe ndër shqiptarët!
Prandaj me të drejtë konstatojmë: Baton Haxhiu je gabim,sepse lufta e Ushtrisë Çlirimtare Kombëtare nuk ishte budallaki, por ishte domosdoshmëri!
Ismet Sylejmani,
Prishtinë, 26 Mars 2025!