Pas deklaratës së djeshme ku tha se ka kanale komunikimi me kreun e BDI-së, Ali Ahmeti, Arben Taravari tha se komunikon me të gjitha partitë, përpos me Ziadin Selën dhe Menduh Thaçin.
“Tash unë mendoj se asgjë të keqe nuk ka që të komunikojnë partitë politike mes vete. Nëse më pyetni mua, unë ju them se kam komunikim me të gjitha partitë politike, përveç me Menduh Thaçin dhe Zijadin Selën nuk kam komunikim”, shtoi Taravari.
Kurse për takimin e djeshëm me liderët e VLEN-it, Taravari tha se ishte konstruktiv, por që ende nuk është vendosur se si do të garojë koalicioni në zgjedhjet lokale.
