Dy vjet pas nënshkrimit të “Letër Memorandumit” me Bashkësinë Islame të Austrisë, Reisul Ulema H. Hfz. Shaqir ef. Fetai, së bashku me Shefin e Kabinetit, Dr. Abdulkerim Iseni, Drejtorin për Diasporë, Mr. Mafiz Rustemi, Drejtorin për Kulturë dhe Shkencë, Mr. Musanif Rufati, si dhe Drejtorin e Sektorit Fetaro-Arsimor, Mr. Fejzullah Sadiku, vizituan Bashkësinë Islame të Austrisë.
Delegacioni nga Maqedonia e Veriut u mirëprit nga Presidenti Mr. Ümit Vural, Myftiu Mustafa Mullaoglu, Kryetari i ALKIG, Vahidin ef. Beluli, dhe drejtuesi i Zyrës së Arsimit, Binur Mustafi.
Gjatë takimit, u diskutuan sfidat dhe mundësitë aktuale të komuniteteve tona, ndërsa drejtuesi i Zyrës së Arsimit, Binur Mustafi, prezantoi konceptin e trajnimit të ardhshëm të imamëve në Austri.
Falënderojmë Bashkësinë Islame të Austrisë për mikpritjen dhe bisedën e frytshme!
