Shkup, 24.02.2025 Zëvendëskryeministri i parë dhe ministër i Mjedisit Jetësor dhe Planifikimit Hapësinor, Izet Mexhiti, sot, me kërkesë të drejtorit të Sekretariatit të Komunitetit të Energjisë, z.Lorkovski, zhvilloi takim bilateral në të cilin u diskutuan çështje të interesit të përbashkët, siç janë Ligji për veprimin klimatik, ndryshimet në Ligjin nacional për mjedisin jetësor si dhe Ligjin për përgjegjësi mjedisore.
Ministri i Mjedisit Jetësor dhe Planifikimit Hapësinor Izet Mexhiti informoi drejtorin Lorkowski se procedura qeveritare për miratimin e Projektligjit për Veprimin Klimatik është duke vazhduar, dhe se po punohet për adresimin e komenteve dhe opinioneve të marra nga institucionet, për të cilat janë mbajtur takime me institucione të ndryshme.
Lidhur me procedurat e vlerësimit të ndikimit në mjedis, ministri Mexhiti theksoi se qëndron pas zgjidhjeve që nuk bien ndesh me parimet e mbrojtjes së mjedisit dhe biodiversitetit.
Të dy bashkëbiseduesit shkëmbyen mendime mbi përmbushjen e kërkesave evropiane sipas Direktivës për Vlerësimin e Ndikimit në Mjedis, statusin e Ligjit për Veprimin Klimatik dhe mekanizmin për monitorimin, raportimin dhe verifikimin e shkarkimeve të gazeve serrë, si dhe çështje të tjera me interes të përbashkët.
Mexhiti dhe Lorkowski u zotuan për avancimin e bashkëpunimit tashmë të vendosur.
Mexhiti priti drejtorin e Sekretariatit të Komunitetit të Energjisë, Artur Lorkowski
