Kryeministri Hristijan Mickoski i bëri thirrje BDI-së të dorëzojë prova për korrupsionin që pretendojnë se ka kryer zëvendëskryeministri Izet Mexhiti.
“Të gjithë ata që kanë çfarëdo prove për këtë çështje, siç pretendon BDI-ja, e dinë numrin tim. Nëse është e nevojshme, do të lë një takim për t’i parë provat dhe për t’i dorëzuar te organet kompetente,” tha sot kryeministri.
Ai paralajmëroi integristët:
“Duhet t’i paralajmëroj nga BDI-ja se vazhdojnë të shpërndajnë tymnajë të ngarkuar me korrupsion, që dikur ishte emri i tyre i dytë. Atributi i tyre kryesor ishte TC Soravia, makinat ‘Rolls-Royce’ të dhëndurëve, hapësirat afariste të ish-shefit të kabinetit të Ahmetit dhe kështu me radhë. Mund të mbaj një konferencë të tërë shtypi për të numëruar skandalet e tyre. Kjo është çështje psikologjike, u ka mbetur në nënvetëdije. Unë kam besim te puna e zotit Mexhiti,” shtoi Mickoski.
