Kryetari i komunës së Kërçovës, Fatmir Dehari, ka reaguar ndaj vendimeve hakmarrëse dhe të paligjshme të ministrave shqiptarë që sjellin vendime në gjuhën maqedonase.
Pavarësisht sfidave dhe padrejtësive, angazhimi ynë mbetet i palëkundur për të mbrojtur të drejtat dhe mirëqenien e qytetarit tonë. Vetëm përmes drejtësisë dhe bashkëpunimit mund të ndërtojmë një të ardhme më të mirë për të gjithë, ka shkruar Dehari.
Të dashur qytetarë,
Në këtë përshkrim të shkurtër do të ndaj me Ju një periudhë sfiduese dhe të rëndësishme për arsimin në komunën tonë, duke nisur nga vështirësitë fillestare deri te përpjekjet tona për përmirësim dhe për fat të keq deri te hakmarrja politike .
1. Gjendja fillestare (2013-2014)
Arsimi në gjendje të rëndë, me borxhe deri në 1.700.000 euro.
Çerdhja e qytetit në kushte katastrofale dhe funksiononte si institucion njëetnik.
Stafi shqiptar pothuajse i padukshëm, dhe fëmijët e komuniteteve të tjera të papranuar.
2. Ndërhyrjet dhe përmirësimet
Rinovimi i tërsishëm i objektit të vjetër të çerdhes dhe ndërtimi i objektit të ri me standarde moderne.
Punësimi i rreth 32 kuadrove të reja shqiptarë dhe të komuniteteve të tjera.
Emërimi i Sadik Ahmetit si drejtori i parë shqiptar, i cili për 6 vjet modernizoi institucionin.
3. Ndryshimi i pushtetit dhe hakmarrja politike
Në nëntor të vitit 2024, ministri shqiptar Fatmir Limani urdhëroi në gjuhën maqedonase shkarkimin e drejtorit Sadik Ahmeti.
Pas tre muajsh, përsëri ministri shqiptar, duke shkelur përdorimin e gjuhës shqipe dhe në gjuhën e tij të preferuar maqedonase, i mori Kryetarit të komunës kompetencat vetëm për emërimin dhe shkarkimin e drejtorit të çerdhes, me ç’rast shkarkon përsëri ushtruesin e detyrës drejtor Emirjeta Fejza.
4. Apel për reflektim
Këto veprime dëmtojnë funksionalitetin e një institucioni jetik për qytetarët.
Ftohen qytetarët të vlerësojnë situatën dhe pasojat e saj për shoqërinë.
5. Mesazh përmbyllës
Këto veprime tregojnë se hakmarrja dhe interesat personale nuk duhet të kenë vend në institucionet që u shërbejnë qytetarëve. Pavarësisht sfidave dhe padrejtësive, angazhimi ynë mbetet i palëkundur për të mbrojtur të drejtat dhe mirëqenien e qytetarit tonë. Vetëm përmes drejtësisë dhe bashkëpunimit mund të ndërtojmë një të ardhme më të mirë për të gjithë.
