Se çfarë do të ndodhë me Ramiz Merkon në BDI, Kreshnik Bekteshi tha se i respektojnë vendimet e Departamentit të Shtetit dhe në lidhje me këtë, kanë bërë hapin konkret, duke emëruar u.d kryetar dege të Strugës. Bekteshi tha se, në funksion që deri para pak kohësh e barte Ramiz Merko, tani është emëruar Faton Pollozhani, që Bekteshi e quan vlerë të shtuar.
“Qëndrimi i BDI-së është po i njëjti që ka qenë në fillim dhe ne i respektojmë vendimet e Departamentit të Shtetit si partner strategjik i Maqedonisë së Veriut, BDI-së por edhe i shqiptarëve në përgjithësi në rajon dhe kudo ku jetojnë në botë. Ne nuk i komentojmë vendimet e tyre, ne vetëm i respektojmë dhe marrim vendimet adekuate në kuadër të statutit që funksionon BDI dhe në mbledhjen e fundit të Kryesisë Qendrore e kishim edhe hapin konkret të radhës ku e emërua ushtrues detyre, kryetar dege, funksion të cilin e barte zotëri Merko deri para pak kohesh, Faton Pollozhani, një kuadër shumë i ri, shumë aktiv në kuadër të BDI-së dhe do të jetë një vlerë e shtuar edhe për degën e Strugës”, tha Bekteshi.