Fondacioni për Zhvillimin e Arsimit dhe Kulturës, Albiz sot do të ndajë 175 bursa për studentë dhe 15 çmime për studentë të diplomuar me mesatare mbi 9.0 për vitin akademik 2024/2025.
Siç paralajmëruan nga Fondacioni, në ndarjen e bursave dhe çmimeve, fjalim rasti do të kenë Izet Mexhiti, zëvendëskryeministër i Maqedonisë së Veriut dhe Mendi Qyra, kryetar i OEMPV-së, ndërsa mysafirë do të jenë rektorë universitetesh, kryetarë komunash si dhe përfaqësues nga sektori i biznesit
Fondacioni Albiz është organizatë jofitimprurëse që punon në zhvillimin e arsimit dhe kulturës në Maqedoni dhe e promovon përgjegjësinë shoqërore korporative të kompanive private. Fondacioni Albiz realizon programe dhe projekte që i mbështesin: zhvillimin profesional të nxënësve dhe studentëve, edukimin joformal të rinjve, botimin e publikimeve, grupet e margjinalizuara, intervenime në infrastrukturë, etj.