Në një ambient impozant dhe me një organizim të mirëfilltë, u shënua 20-vjetori i themelimit të Xhamisë “Drita” në Pratteln, Zvicër. Në këtë ngjarje të rëndësishme mori pjesë edhe Reisul Ulemaja H. Hfz. Shaqir ef. Fetai i cili u shoqërua nga drejtori i Diasporës Mafiz ef. Rustemi dhe sekretari i Myftinisë së Kërçovës Xhemail ef. Ahmedi.
Gjithashtu, në këtë manifestim morën pjesë edhe përfaqësues nga Bashkësia Islame e Kosovës, të kryesuar nga Sekretari i përgjithshëm i BIK-ut, Ahmed ef. Sadria, Ambasadori i Ambasades së Maqedonisë së Veriut në Bernë, Rexhep Demiri, nënkryetari i KMSHZ-së, Fehim ef. Abazi, kryetari i Rjetit të Bizneseve Shqiptare në Zvicrë, Visar Robelli, përfaqësues të komunës së Prattelnit, si dhe shumë hoxhallarë dhe personalitete fetare. Një numër i madh i besimtarve ishte gjithashtu i pranishëm, duke dëshmuar vlerën dhe rëndësinë e kësaj ngjarjeje për muslimanët shqiptar në Zvicër.
Kryetari i Bashkësisë Fetare Islame të RMV-së, Reisul Ulema H.Hfz. Shaqir ef. Fetai në fjalimin e tij i përshëndeti të pranishmit duke uruar Këshillin e Xhamisë dhe të gjithë xhematin për rrugëtimin e suksesshëm të Xhamisë “Drita” në këto 20 vite.
Gjatë fjalës së tij, Reisul Ulemaja gjithashtu theksoi se angazhimi i muslimanve shqiptar për të ruajtur dhe zhvilluar jetën fetare në diasporë tregon një vetëdije të lartë dhe është një dëshmi e fortë e imanit. Ai u ndal te ajeti Kuranor : “…. punoni, angazhohuni, punën tuaj do ta shohë Allahu, i Dërguari i Tij dhe besimtarët…”, duke inkurajuar Xhematin që të vazhdojnë me këtë rrugëtim të suksesshëm dhe se shpërblimi i tyre është i sigurtë nga ana e Zotit të Madhrishëm.
Në shenjë falënderimi për të gjithë ata që kanë dhënë kontribut në ndërtimin dhe zhvillimin e kësaj vatre fetare, Reisul Ulemaja ndau një mirënjohje, të cilën e pranoi kryetari i xhamisë, Haxhi Shaban Amiti.
Këshilli i xhamisë e falënderuan Reisul Ulemanë për mbështetjen dhe vizitën e tij, por edhe të tjerët, duke u ndaj mirënjohje të gjithve.
