AKTUALE

Bdi: Afrim Gashi shkel me dy këmbë gjuhën shqipe dhe përfaqësimin e shqiptarëve dhe bashkësive të tjera etnike në Kuvend.

KUMTESË:

Bashkimi Demokratik për Integrim shpreh shqetësimin e thellë për vazhdimin e praktikave diskriminuese në Kuvendin e Republikës, ku shqiptarët po përjashtohen nga punësimi dhe gjuha shqipe po injorohet hapur.

Nga konkursi i fundit për punësim në Kuvend, nga 23 të pranuar, vetëm 3 janë shqiptarë, duke dëshmuar një përjashtim të qartë dhe të qëllimshëm të tyre nga institucionet shtetërore. Kjo praktikë është një goditje ndaj përfaqësimit të drejtë dhe proporcional, duke i kthyer shqiptarët në qytetarë të dorës së dytë në shtetin e tyre.

Për më tepër, vendimet e punësimit në Kuvend po lëshohen vetëm në gjuhën maqedonase, duke injoruar detyrimin ligjor për përdorimin e gjuhës shqipe. Ky është një akt i papranueshëm që minon parimet e barazisë dhe dërgon një mesazh të qartë për mosrespektimin e të drejtave të shqiptarëve.

BDI dënon këtë qasje diskriminuese dhe kërkon ndalimin e menjëhershëm të përjashtimit të shqiptarëve nga institucionet shtetërore si dhe zbatimin e plotë të Ligjit për Përdorimin e Gjuhëve. Shqiptarët nuk do të pranojnë të trajtohen si të huaj në vendin e tyre dhe nuk do të heshtin përballë padrejtësive të tilla flagrante.

Related posts

Lloga: Diskriminim i rëndë! Sistemi i drejtësisë e njeh ekspertizën nga Serbia për rastin në Onkologji, por jo edhe për rastin “Alfa”

Gjyla Halili

DASH: Eskobar nuk është shkarkuar, do të jetë në një detyrë tjetër

Gjyla Halili

KRYETARI I BASHKËSISË FETARE ISLAME TË RMV – SË REISUL ULEMA H. HFZ. SHAQIR EF. FETAI PRITI PËR VIZITË KORTEZIE AMBASADORIN E RI TË REPUBLIKËS FRANCEZE NË SHKUP SH.T. KRISTOF LE RIGOLER

Gjyla Halili