Izet Mexhiti tha se Lëvizja Demokratike është subjekti i parë që nuk ka nxituar të formojë organet partiake, duke fokusuar energjinë në bashkimin dhe fuqizimin e opozitës shqiptare.
“Defekti nuk ka qenë te votuesit shqiptarë, por te opozita që për një dekadë i dha BDI-së pushtet pa legjitimitet, duke mos u bashkuar. Mbi 107 mijë vota të opozitës janë arritje historike dhe legjitime, falë këtij bashkimi,” tha Mexhiti.
Ai shtoi se tani, me një bazë të fortë dhe me qasje strategjike, LD po konsolidon pozicionin e saj si faktor kyç për shqiptarët në Maqedoninë e Veriut.
