Në kuadër të aktiviteteve për forcimin e lidhjeve me diasporën, Drejtori i Diasporës Mafiz ef. Rustemi, vazhdoi vizitat në disa xhami shqiptare në Zvicër, ku u informua nga afër për punën dhe angazhimet që realizohen në shërbim të komunitetit musliman shqiptar.
Vizita në Xhaminë e Regensdorfit
Drejtori vizitoi Xhaminë në Regensdorf, ku u prit nga hoxha Mr. Hfz. Ferif ef. Zeqiri dhe xhemati. Ai u njoh me aktivitetet që organizohen në këtë qendër islame, përfshirë mësimin fetar për fëmijët dhe të rinjtë, si dhe përkushtimin e xhematit për ruajtjen e identitetit fetar dhe kombëtar.
Vizita në Xhaminë “Ikre” në Brüttisellen
Në Brüttisellen. Drejtori u prit nga hoxha Jetmir ef. Zeqiri dhe përfaqësuesit e xhematit të Xhamisë “Ikre”.
Vizita në Xhaminë “Ikre-Lexo-Lesen” në Rorschach, ku u takua me hoxhën Burim ef. Sherifi dhe anëtarët e xhematit. Ai u informua për zhvillimin e mësim-besimit dhe për aktivitetet që promovojnë vetëdijen fetare dhe organizative të komunitetit.
Gjatë vizitave, Drejtori shprehu vlerësimin e tij për vetëdijen e lartë organizative që mbizotëron në xhamitë shqiptare të diasporës, duke e konsideruar atë si një model të mirë për ruajtjen e vlerave fetare dhe kombëtare. Ai përcolli selame të përzemërta nga muslimanët e vendlindjes, Bashkësia Islame, dhe Reisul Ulemaja, H. Hfz. Shaqir ef. Fetai.
