Qarkullimi në rrugët shtetërore zhvillohet në kushte dimërore në rrugë të lagështa. Reshje të dobëta dëbore po shënohen në Kërçovë, Presekë dhe Bukovë, njofton Lidhja Auto Moto e Maqedonisë (LAMM).
Ndalime për lëvizje të mjeteve të rënda për arsye parandaluese ka në akset rrugore Mavrovë-Dibër, Tetovë-Kodra e Diellit dhe në rrugën Strumicë-Berovë.
Intensiteti i trafikut në rrugët jashtë zonave urbane është mesatar. Në vendkalimet kufitare në anën maqedonase nuk ka më vonesa për hyrje dhe dalje nga vendi.
LAMM rekomandon rregullimin e shpejtësisë së lëvizjes, respektimin e sinjalistikës së komunikacionit të vendosur dhe menaxhimin e kujdesshëm të mjeteve, veçanërisht në rrugët nëpër lugina dhe gryka, ku ka mundësi për rrëshqitje të dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.