Ministri aktual i Marrëdhënieve Ndërmjet Komuniteteve, Ivan Stoilkoviq, zbuloi se rreth 20 mijë euro janë shpenzuar për dy kebabçinjë gjatë mandatit të paraardhësit të tij, Artan Grubi. Gjatë një intervistë në një podcast,Stoilkoviq publikoi këto dhe shpenzime të tjera dyshuese, duke i quajtur ato “keqpërdorime shokuesëse”.
Mbi 20 mijë euro për qebabe: tender për shërbime ushqimore: 1.18 milion denarë
Sipas të dhënave nga Byroja për Prokurim Publik, Ministria për Sistemin Politik dhe Marrëdhëniet Ndërmjet Komuniteteve ka shpallur një tender për shërbime ushqimore në dy kompani gjatë vitit 2023.
▪ „Pçela Sh.E.L.“: Furnizuesi kryesor mori 944 mijë denarë (rreth 15,340 euro), nga të cilët realizoi 532,037 denarë (rreth 8,650 euro).
▪ „Dalma Catering“: Edhe pse fondet e parashikuara ishin 220 mijë denarë, kjo kompani nuk realizoi asnjë denar.
Tenderi u mbyll zyrtarisht më 18 prill 2024, vetëm gjashtë ditë para raundit të parë të zgjedhjeve, megjithëse duhej të ishte realizuar deri më 15 mars të atij viti.
Kontratë e përsëritur dhe faturat e fundit
Tre ditë para zgjedhjeve, më 21 prill 2024, u nënshkrua sërish një kontratë midis Ministrisë dhe „Pçela Sh.E.L.“ në shumën prej 1.18 milion denarë. Bashkëpunimi vazhdoi edhe pas zgjedhjeve, kur DUI nuk ishte më pjesë e qeverisë.
Më 14 qershor 2024, disa ditë para formimit të qeverisë së re, Ministria pagoi dy fatura për „Pçela Sh.E.L.“:
▪ 41,660 denarë,
▪ 16,852 denarë.
Shuma totale prej 58,512 denarë (afërsisht 900 euro) i referohet rreth 150 porcioneve me kebabe viçi.
Stoilkoviq: “Revizion i shpenzimeve është në proces”
Ministri Stoilkoviq deklaroi se aktualisht po kryhet një revizion i shpenzimeve nga mandati i Artan Grubit. Raporti do të shqyrtohet në një seancë të mbyllur të qeverisë.