Më 04.01.2025, në ambientet e Medresesë Isa Beu – Shkup, u mbajt mbledhja e rregullt e gjysëmvjetorit të parë të vitit shkollorë 2024/25, ku u raportua për punën gjatë këtij gjysmëvjetori. Në këtë mbledhje, të cilën e drejtoi drejtori dr. Islam Islami morën pjesë edhe dr. Abdulkerim Iseni, shefi i kabinetit të Reisul-Ulemasë h. hfz. Shaqir ef. Fetai si përfaqësuesi i tij, koordinatorët e paraleleve të shtrira dhe anëtarët e këshillit të profesorëve.
Në fjalën e tij, drejtori Islami, fillimisht përshëndeti të pranishmit dhe theksoi rëndësinë e kësaj mbledhje që tregon përkushtimin dhe angazhimin e drejtorisë dhe të stafit edukativ arsimor në implementimin e planprogrameve mësimorë si dhe përpjekjet e tyre për avansimin e metodave mësimore, me qëllim të ngritjes së nivelit edukativ arsimot të nxënësve.
Pas shterimit të rendit të ditës së kësaj mbledhje, drejtori Islami konstatoi se ky gjysëmvjetor ishte i suksesshëm dhe me një angazhim edhe më të madh do të vazhdojë në periudhën e arshme. Drejtori poashtu falemnderoi koordinatorët e paraleleve të shtrira të Medresesë në Shkup, Tetovë, Gostivar dhe Shtip, profesorët dhe profesoreshat të cilët japin mundin e tyre për këtë vatër të dijes dhe edukimit, duke mos haruar edhe kontribuesin më të madh, Kryetarin e Bashkësisë Islame të RMV-së, Reisul-Ulemanë h. hfz. Shaqir Fetain, i cili me angazhimin e tijë maksimal, mbështetë çdo iniciativë dhe projekt të këtij Institucioni të rëndësishëm për BFI-në dhe besimtarët mysliman në përgjithësi.
Në fjalën e tij, shefi i kabinetit të Reisul-Ulemasë, dr. Abdulkerim Iseni, në emër të Reisul-Ulemasë, përshëndeti këtë mbledhje, drejtorin e Medresesë dhe këshillin e profesorëve, duke i urruar për punën e tyre të vazhdueshme në ngritjen e vetëdijes morale dhe edukative mësimore të nxënësve, duke theksuar se ndihet i lumtur që në mbledhjet e Medresesë flitet vetëm për suksese, arritje dhe sjellje të mirë të nxënësve.
