Sot më datë 05.01.2025 (e diel), në Xhaminë e fshatit Radiovcë, u realizua solemnitet fetar me rastin e përfundimit të leximit të Kur’anit Fisnik-hatme nga nxënësit e mektebit që e ndjekin mësimbesimin fetar në këtë xhami tek mualimi, Rejhan ef. Memeti.
Në këtë manifestim përpos xhematit, prezantoi edhe Myftiu i Myftinisë së Tetovës Dr. Hfz. Selver ef.Xhemaili me bashkëpunëtorët e tij, hoxhallarë të Myftinisë etj.
Në fjalimin e tij, Myftiu përshëndeti të pranishmit duke theksuar se puna me nxënësit dhe edukimi i tyre është trashëgimia më e madhe që një prind mund t’i lë fëmijëve të tij dhe se kjo është një sunet nga sunetet profetike.
Programin e moderoi sekretari i Myftinisë, Semir ef. Fazliji, ndërsa duanë e hatmes e bëri imami i fshatit Miletinë, hfz. Besir ef. Hamidi.
Në fund të programit, mualimit Rejhan ef. Memeti, iu dhurua një plaketë në shenjë mirënjohje për punën e bërë, si dhe u bë shpërndarja e diplomave nga ana e Myftiut për nxënësit ë kishin kryer leximin e Kur’anit Fisnik (hatme).
Nxënësve, Zoti ju dhëntë suksese edhe në të ardhmen.
Mualimin, Zoti e begatoftë me të mirat e tij.
Një falenderim të veçantë për këshillin e xhamisë si dhe imamin, Esat ef. Memeti për organizimin e mrekullueshëm.
