Sot, 2 Janar 2025 (e enjte), Kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai, i shoqëruar nga Sekretari Gjeneral H. Irsal ef. Jakupi, Muftiu i Tetovës, Dr. Hfz. Selver ef. Xhemaili, Muftiu i Shtipit, Mr. Nasir ef. Rexhepi, atashehu për çështje fetare pranë ambasadës Turke, H. Mustafa Bodur, drejtorët e rijasetit të BFI – së, mori pjesë në mbrëmjen Kur’anore të realizuar në pallatin e kulturës në Tetovë për nderë të Natës së Regaibit.
Në prezencë të një numri të madh të hoxhallarëve, profesorëve, profesoreshave, mysafirëve nga qytetet e ndryshme, në sallën e mbushur plot e përplot të pallatit të kulturës në Tetovë u realizua me sukses programi “Mbrëmje Kur’anore”.
Programi, kryefjalë e së cilës ishte Kur’ani Famëlartë, u hap me fjalën mirëseardhëse të Muftiut të Tetovës, Dr. Hfz. Selver ef. Xhemaili.
Fjala e rastit padyshim që i takoi kryetarit të Bashkësisë Fetare Islame të RMV – së, Reisul Ulema H. Hfz. Shaqir ef. Fetai, i cili fillimisht përshëndeti të pranishmit dhe më pas në emrin e tij personal dhe në emër të Bashkësisë Fetare Islame të RMV – së dhe institucioneve të saja, uroi të gjith besimtarët muslimanë me rastin e fillimit të Tre Muajve të Bekuar.
Në vazhdim, Reisul Ulema foli për vlerën dhe rëndësinë që ka muaji të cilin sapo e kemi filluar, duke vënë në spikamë faktin se besimtari duhet që gjatë këtij muaji të përpiqet maksimalisht ta ushqejë veten me fjalën e Zotit ashtu që ta presë Muajin e Kur’anit me një shpirt të kristalizuar të devotshmërisë. Mu për këtë, Bashkësia Fetare Islame në bashkëpunim me Muftininë e Tetovës, sonte në këtë natë të madhe të Regaibit, u munduan të sjellin para xhematit të Muftinisë së Tetovës lexuesit më të bukur të Kuranit Fisnik.
Më pas fjala u takoi hafizëve të cilët me zërin e tyre të mrekullueshëm depërtuan thellë në zemrat e ndëgjuesve, duke i bërë ata të ngriten në nivelet më larta të përjetimit shpirtërorë të fjalës së Allahut Fuqiplotë.
Lexuesi i parë i kësaj mbrëmje ishte Hfz. Idriz ef. Osmani, drejtor i institut të hifzit – Tetovë.
Lexuesi i dytë ishte Hfz. Xhelal ef. Kaloshi, Imam në Xhaminë ASR e.V – Ingolstadt, Gjermani.
Lexuesi i katërt dhe i fundit ishte Kurra Hafiz Erhan Mete, Imam dhe Hatib i Xhamisë Eyup Sulltan – Stamboll.
Në fund pasoi shpërndarja e mirënjohjeve për lexuesit nga ana e Reisul Ulema H. Hfz. Shaqir ef. Fetai dhe Muftiut të Tetovës Dr. Hfz. Selver ef. Xhemaili.
Allahu ju bekoftë!
