Zëvendëskryeministri i parë, Izet Mexhiti në Daily Click në TV21 refuzoi të përgjigjet se si e sheh aktualisht dikur bashkëpunëtorin e tij, Ali Ahmetin, si figurë kombëtare. Mexhiti tha se kur e ka parë mirë në të kaluarën, i ka shërbyer, siç tha ai me gjithë qenien e tij.
TV21: Si e shihni figurën kombëtare të Ali Ahmetit?
“Kur e kam parë mirë, i kam shërbyer. Dmth me krejt qenien, me krejt dijen, me krejt mundësitë, kur nuk e kam parë mirë e kam ngritur zërin. Sot kjo është situata, kjo që është dhe mendoj që nuk do që të humbim kohë rreth këtij debati, sepse është e dukshme”, tha Mexhiti.
