Kryetari i komunës z. Iljas Veseli mori pjesë në tryezën e rrumbullakët me përfaqësues nga komuniteti i biznesit që vijn nga komuna e Sarajit, me temën “Investimet lokale e përmirësojnë cilësinë e jetës”.
Ky event u organizua së bashku nga Fondacioni Albiz dhe Komuna e Sarajit, në kuadër të projektit “Investime me ndikim shoqëror ne komunitete” i financuar nga USAID Maqedonia e Veriut.
Në këtë tryezë u prezantuan projektet e realizuara deri më tani në kuadër të projektit të lartëpërmendur dhe u zhvillua debat mbi nevojat, mundësite dhe vështirësit me të cilat ballafaqohet sektori i biznesit dhe komuna si autoritete lokale. Në frymën e bashkëpunimit të deritanishëm, pjesëmarrësit u dakorduan që të intensifikohet bashkëpunimi mes komunitetit të biznesit dhe komunës, me qëllim të përmirsimit të infrastrukturës dhe rritjen e investimeve në komunitet, gjë që do të mundëson zhivillim ekonomik më të madh lokal.
Komuna e Sarajit dhe kryetari z. Ilas Veseli, edhe njëherë theksuan se do të vazhdojn të jenë partnerë i bizneseve, duke ofruar mbështetje të plotë dhe gatishmëri për realizimin e përbashkët të projekteve në interes të përgjithshëm në të ardhmen e afërt.
#FondacioniAlbiz #USAID #KomunaSaraj
_________________________
