Kryesia Qendrore e Bashkimit Demokratik për Integrim mbajti takim në Tetovë për të diskutuar hapat e mëtejshëm, pasi dje filluan iniciativën “Roje për Gjuhën” para Gjykatës Kushtetuese. Pas takimet Arbër Ademi tha se po merren të gjitha masat për të parandaluar sic tha shfuqaizimin e gjuhës shqipe.
“Të gjitha masat po ndërrmeren, jo po shihni se qytetarët gjithnjë e më shumë pa dallim përkatësisë politike po i bashkangjiten nismës sonë. Besoj se përballë vullnetit të qytetarëve të gjithë do të zmbrapsen, e aq më tepër kur nuk ka asnjë argument profesional por vetëm motovim politik për ata që tentojnë të shfuqizojnë gjuhën shqipe”, tha Arbër Ademi nga BDI.
Paraprakisht në selinë e BDI-së takim mbajtën edhe liderët e FE-së. Kryetari i ASH-së Ziadin Sela tha se Qeveria përmes gjykatës kushtetuese po mundohet të realizojë programin e VMRO DPMNE-së. Ai shtoi se ligji për përdorimin e gjuhëve nuk është aspak antikushtetues.
Ligji për gjuhët nuk është aspak antikushtetues. Hapat e parë drejt destabilizimit që për hir të vërtetës edhe pse gojën plot e ka Qeveria se po bëjmë destabilizim, por destabilizimet po i nxisin ata. Folën në lidhje edhe me iniciativën e rojës së gjuhës të cilën e kemi biseduar edhe paraprakisht se FE, qytetarët janë atje dhe me të drejtë e mbrojnë ligjin për gjuhët”, u shpreh Ziadin Sela – kryetar i ASH-së.
Nga takimi në Tetovë liderët e FE u nisën drejt Shkupit, gjegjësisht te tendat para gjykatës kushtetuese.