Zv. Kryeministri dhe ministri i ekonomisë në Mal të Zi, Nik Gjeloshaj është ftuar në lutjet e mëngjesit që do të mbahen në fillim të shkurtit në Uashington.
“Lutjet e Mëngjesit, që vitin e ardhshëm do të bashkojë liderët dhe përfaqësuesit më të lartë politik, shoqëror dhe ekonomik nga më shumë se 140 shtete të botës, me praninë e Presidentit të SHBA-së dhe anëtarëve të Kongresit Amerikan, do të jetë një mundësi e shkëlqyer për të shkëmbyer përvoja dhe për të konfirmuar aleancën dhe partneritetin tonë të thellë dhe të përjetshëm”- ka theksuar Gjeloshaj.
Ja postimi i plotë:
Është një nder i madh për mua që, tashmë tradicionalisht, nga adresat më të larta të Kongresit Amerikan, kam fituar ftesë që së bashku me bashkëshortën time të marrë pjesë në Lutjet e Mëngjesit, që do të mbahet në fillim të shkurtit në Uashington.
Ftesat e vazhdueshme dhe të përvitshme nga majat e skenës politike dhe shoqërore amerikane kanë shumë domethënie për mua, sepse kjo është konfirmim dhe dëshmi e përkushtimit tim të sinqertë dhe demokratik ndaj vlerave amerikane dhe properëndimore.
Lutjet e Mëngjesit, që vitin e ardhshëm do të bashkojë liderët dhe përfaqësuesit më të lartë politik, shoqëror dhe ekonomik nga më shumë se 140 shtete të botës, me praninë e Presidentit të SHBA-së dhe anëtarëve të Kongresit Amerikan, do të jetë një mundësi e shkëlqyer për të shkëmbyer përvoja dhe për të konfirmuar aleancën dhe partneritetin tonë të thellë dhe të përjetshëm!
Nik Gjeloshaj,
Zëvendëskryeministër për Politikë Ekonomike dhe Ministër i Zhvillimit Ekonomik
_____