Në Fakultetin e Teknologjisë Ushqimore dhe të Ushqyerit në Universitetin e Tetovës u mbajt seminari me temë: “Jeta hallall në kohën moderne”, organizuar në bashkëpunim me Bashkësinë Fetare Islame të RMV-së, Myftinia Tetovë dhe Agjencinë për Hallall Standard.
Në hapje, Myftiu i Tetovës, Dr. Hfz. Selver Xhemaili, theksoi rëndësinë e trajtimit të konceptit hallall nga këndvështrimet fetare dhe shkencore, duke përfshirë çdo aspekt të jetës. Dekani i FTUU-së, Prof. Dr. Xhezair Idrizi, vlerësoi rolin e ekspertëve të ushqimit për zbatimin e standardeve hallall, duke respektuar bazat fetare.
Kryetari i BFI-së, Reisul Ulema H.Hfz. Shaqir Fetahu, nënvizoi rëndësinë e ndërthurjes së fesë me dijen dhe angazhimin për çertifikimin ndërkombëtar të Agjencisë Hallall. Ligjëruesit e pranishëm trajtuan tema nga më të ndryshmet të cilat kishin ndërthurje me seminarin në fjalë, si: Çertifikimin hallall, ushqimin e pastër, sigurinë ushqimore dhe moralin në jetën hallall, hallalli dhe harami sipas urtësive islame e të tjera, ndërsa gjithashtu u promovua edhe katalogu Hallall për herë të parë në vendin tonë.
Vlen të theksohet se në këtë seminar trajnues morrën pjesë biznese të ndryshme nga Tetova, studentë të UT-së kryesisht nga Fakulteti i Teknologjisë Ushqimore dhe të Ushqyerit, Fakulteti i Shkencave Islame, nxënës nga Medreseja Isa Beu dhe mysafirë të tjerë të cilën krejt në fund u pasuruan me Çertifikata nga organizuesit.
Shpresojmë që seminare të tilla të vazhdojnë të organizohen, duke pasur parasysh rëndësinë dhe ndikimin e tyre pozitiv në shoqëri.
