Kandidati për Kryeministër i Partisë Demokratike të Kosovës, Bedri Hamza, është pritur sonte në një tubim madhështor në Skenderaj.
Hamza tha se në Skenderaj ndjeu entuziazmin, shpresën dhe besimin e pathyeshëm se Kosova mundet ma mirë.
“Faleminderit nga zemra, Drenicë! Në zemrën e Skenderajt, në palestrën që mban emrin e heroit Ilaz Kodra, ndjeva pulsin e shtetit tonë. Ndjeva entuziazmin, shpresën dhe besimin e pathyeshëm se Kosova mundet ma mirë”, shkroi Hamza.
“Energjia e secilit është frymëzuese dhe kurrë nuk do të dorëzohemi në përpjekjen për ta ndërtuar një të ardhme më të mirë për qytetarët dhe vendin tonë”, shtoi ai.
Kandidati i PDK-së për Kryeministër tha se duke ndjerë trashëgiminë e liderëve historik që hapën rrugën për liri, pavarësi dhe shtetndërtim, ai do të udhëheqë me dinjitet, vizion dhe krenari për ta zhvilluar Kosovën.
Link:https://www.facebook.com/share/p/19PYmTnnYn/?mibextid=WC7FNe
