Lideri i BDI-së dhe shqiptarëve në RMV, Ali Ahmeti, është pritur në mënyrë madhështore në degën e kësaj partie në Kumanovë.
Lideri Ali Ahmeti u bëri thirrje të gjithë shqiptarëve, diasporës shqiptare si dhe atyre që kanë votuar kundër BDI-së që të bëhemi bashkë për ta parandaluar zhbërjen e të arriturave me gjak për të drejtat e shqiptarëve, sepse ky shtet është i të gjithëve, thuhet në deklaratën e BDI-së dega në Ku,anovë.
Postimi i plotë:
Në mbledhjen me popullin të organizuar nga Dega e BDI-së në Kumanovë anëtarë e qindra simpatizantë pritën liderin Ali Ahmeti me plisa e me flamuj kuq e zi.
Sikurse në degët e tjera, edhe në Kumanovë, qytetarët shprehën shqetësimin e tyre për rrezikun që po iu kanoset shqiptarëve duke iu cënuar çështjet themelore, përfaqësimin e drejtë dhe gjuhën shqipe.
Lideri Ali Ahmeti u bëri thirrje të gjithë shqiptarëve, diasporës shqiptare si dhe atyre që kanë votuar kundër BDI-së që të bëhemi bashkë për ta parandaluar zhbërjen e të arriturave me gjak për të drejtat e shqiptarëve, sepse ky shtet është i të gjithëve.
