Sot, 30 tetor (e mërkurë), me ftesë të drejtorit të Institutit të Trashëgimisë Shpirtërore e Kulturore të Shqiptarëve – Shkup, Prof. Dr. Skender Asani, si përfaqësues të Kryetarit të Bashkësisë Fetare Islame të RMV – së, Reisul Ulema H. Hfz. Shaqir ef. Fetai, drejtori i sektorit fetaro – arsimor, Mr. Fejzulla Sadiki, së bashku me drejtorin e Vakufeve, Mr. Fehmi Ebibi, morrën pjesë në Konferencën Shkencore Ndërkombëtare “Dialogu Ndërfetar në Ballkan”.
Përpara auditoriumit të përbërë nga studijues dhe ekspertë të fushave të ndryshme si dhe personaliteteve publike, në fjalën e tij drejtori Sadiki, në emër të kryetarit të Bashkësisë Fetare Islame të RMV – së, Reisul Ulema H. Hfz. Shaqir ef. Fetai, falenderoi për ftesën nikoqirin e këtij organizimi, drejtorin Prof. Dr. Skender Asani si dhe i përshëndeti të gjith ata të cilët prezentonin në këtë konferencë shkencore, duke apostrofuar se Bashkësia Fetare Islame e RMV – së historikisht në të kaluarën por edhe sot, ka lujatur dhe luan rol konstruktiv në forma të ndryshme në ngritjen e nivelit të dialogut ndërfetar te Shqiptarët në ballkan si dhe në përmasa ndërkombëtare.
