Deputeti i Bashkimit Demokratik për Integrim, Ilir Hasani ka marë pjesë në seancën plenare COSAC në Budapest.
Në fjalën e tij deputeti Hasani ka shprehur shqetsimin e ndikim rrus në Ballkan duke theksuar se
BE-ja duhet të mbështesë sigurinë e Maqedonisë së Veriut dhe aspiratat e integrimit në BE duke nxitur stabilitetin dhe bashkëpunimin rajonal.
Ja fjalimi i plotë i z. Ilir Hasani:
Politikat e sigurisë dhe mbrojtjes së Maqedonisë së Veriut duhet të mbështeten më shumë nga BE:
Nëpërmjet mbështetjes politike për të stabilizuar rajonin duke promovuar dialogun dhe duke nxitur marrëdhënie të mira fqinjësore
Nëpërmjet ndihmës financiare për modernizimin e mbrojtjes dhe ngritjen e kapaciteteve nëpërmjet ndërveprimit me forcat e NATO-s, për menaxhimin e krizave, parandalimin e konflikteve, sigurinë kibernetike dhe mbrojtjen e IT-së të infrastrukturës kritike.
* ne po ofrojmë dhe në fakt po e zhvillojmë me mbështetjen e SHBA-së, zona e Trajnimit të Krivolakut me kapacitetin e saj unik rajonal, me madhësi prej 250 km2 për përdorim nga vendet e BE-së.
* dhe Korridori 8 që lidh vendin tonë me Shqipërinë dhe Bullgarinë dhe është shumë i rëndësishëm për BE-në dhe NATO-n dhe aktualisht po ndërtohet.
Dhe gjëja më e rëndësishme NM duhet të mbështetet më shumë nga BE në procesin e saj të integrimit.
SEPSE: në disa vende të Ballkanit Perëndimor, Rusia ka mbështetur partitë nacionaliste që kundërshtuan integrimin në BE dhe promovuan ndjenja pro-ruse. Ndikimi rus është karakterizuar nga një sërë strategjish që synojnë destabilizimin, shpesh duke shfrytëzuar lidhjet historike, ndarjet etnike dhe levave ekonomike. Propaganda ruse dhe dezinformimi përmes përhapjes së narrativave që përkeqësojnë tensionet etnike dhe nxisin skepticizmin ndaj institucioneve perëndimore, shpesh duke e inkuadruar BE-në, SHBA-në dhe NATO-n si kërcënime.
Kjo është arsyeja pse edhe BE-ja duhet të mbështesë sigurinë e Maqedonisë së Veriut dhe aspiratat e integrimit në BE duke nxitur stabilitetin dhe bashkëpunimin rajonal.
#COSAC
https://www.facebook.com/share/v/BhkqskeXu7btDMgx/
Ilir Hasani në COSAC në Budapest: BE-ja duhet të mbështesë sigurinë e Maqedonisë së Veriut dhe aspiratat e integrimit në BE duke nxitur stabilitetin dhe bashkëpunimin rajonal.
