Deputeti i BDI-së, Ilir Hasani ka marrë pjesë në seancën plenare të LXXII COSAC që është mbajtur në Budapest. Në fjalimin e tij, Hasani ka zgjedhur të flasë për procesin e zgjerimi të BE-së, ndërkaq nuk ka hezituar as të kritikojë politikën e kryesuesit aktual, Hungarisë në krye me Viktor Orban.
Hasani ka deklaruar se Hungaria duhet ta mbështesë më shumë politikën e zgjerimit, ndërkaq ka bërë të ditur se ajo nuk i përmbush pritjet e europianëve në RMV.
Hasani kritika për politikën e Orbanit: Mbështet ide që janë kundër parimeve të BE-së
Hasani kritika për politikën e Orbanit: Mbështet ide që janë kundër parimeve të BE-së
Publikuar 19:28 28 Tetor, 2024
Deputeti i BDI-së, Ilir Hasani ka marrë pjesë në seancën plenare të LXXII COSAC që është mbajtur në Budapest. Në fjalimin e tij, Hasani ka zgjedhur të flasë për procesin e zgjerimi të BE-së, ndërkaq nuk ka hezituar as të kritikojë politikën e kryesuesit aktual, Hungarisë në krye me Viktor Orban.
Hasani ka deklaruar se Hungaria duhet ta mbështesë më shumë politikën e zgjerimit, ndërkaq ka bërë të ditur se ajo nuk i përmbush pritjet e europianëve në RMV.
Vlerëson se këto dyshime thellohen më shumë, pasi siç vlerëson, “Orban mbështet ide dhe subjekte që janë kundër parimeve të BE-së”.
“Presidenca hungareze duhet të mbështesë më shumë politikën e zgjerimit të BE-së, veçanërisht bashkëpunimin me Ballkanin Perëndimor. Anëtarësimi i rajonit do të jetë i dobishëm për BE në tërësi nga pikëpamja ekonomike, e sigurisë dhe gjeopolitike. Prandaj, ruajtja e stabilitetit të rajonit në fqinjësinë e afërt të BE-së është shumë e rëndësishme.
Dua të theksoj se kryesimi hungarez i BE-së në krye me z. Orban, nuk i përmbush pritjet e evropianëve që jetojnë në Maqedoninë e Veriut, sepse ai mbështet ide dhe subjekte që janë kundër parimeve të BE-së dhe kundër integrimit tonë, komunitetit në BE. Ne evropianët presim më shumë nga ju, BE dhe jo të tradhtoni shpresën dhe ëndrrat e brezave të rinj, siç bëtë ju me shpresat dhe ëndrrat e brezit tim dhe pritshmëritë që premtojnë një të ardhme më të mirë; Por në të njëjtën kohë detyra jonë është të përfundojmë detyrat tona që kemi filluar”, tha mes tjerash Hasani.
Më tej Hasani deklaroi se Bashkimi Evropian ka kohë që është i angazhuar në ofrimin e perspektivës evropiane për Ballkanin Perëndimor, sepse komuniteti nuk mund të jetë i plotë pa aderimin e këtij rajoni dhe se zgjerimi i BE-së në Ballkanin Perëndimor përfaqëson një investim në paqen, prosperitetin dhe sigurinë afatgjatë të kontinentit.