Një delegacion nga Bashkësia Fetare Islame, Driton Dikena- drejtor i Agjensionit të Hallall Standard dhe Nasir ef. Rexhepi – Mufti i Muftinisë së Shtipit, kanë zhvilluar një takim pune me Sekretarin gjeneral të Institutit të Standardizimit dhe Metrologjisë për Vendet Islame ( SMIIC), Mr. Ihsan Övüt. Ky institucion është i lidhur me Organizatën e Bashkëpunimit Islamik (OIC) dhe synon zhvillimin dhe harmonizimin e standardeve për vendet islamike, veçanërisht në fusha si ushqimet hallall, farmaceutika dhe kozmetika.
Objektivat e takimit ishin fillimi i bashkëpunimit në këto fusha si dhe krijimi i një sistemi të unifikuar standardesh: Vendosjen e standardeve të përbashkëta për të siguruar që produktet të plotësojnë kërkesat e përbashkëta të cilësisë dhe sigurisë.
Të dy palët ranë dakord se koha është për zhvillimin dhe mbajtjen e një sistemi të qëndrueshëm për certifikimin hallall, duke siguruar që produktet të jenë në përputhje me normat islame.
Gjatë takimit na shoqëroi edhe drejtori i Komitetit për akreditimin Hallall në Republikën e Turkiyes, mr. Zafer Soylu.
Qëllimi i HAK është të sigurojë që produktet dhe shërbimet që paraqiten si hallall të jenë në përputhje me rregullat fetare islame, si dhe standardet ndërkombëtare për sigurinë dhe cilësinë e ushqimit.
U ra dakord që takimi i ardhshëm të jetë në Shkup për tu njohur më afër me punën e Agjensionit të Hallall Standartit ku gjatë asaj vizite pritet që të organizohen edhe disa seminare dhe trajnime për palë të interesuara.
