Blerim Bexheti nga BDI ka dalë me një sërë akuzash ndaj ministres së Arsimit dhe Shkencës, Vesna Janevskës, transmeton TV21.
Bexheti akuzon ministren aktuale se është duke e “pastruar” MASh-in nga shqiptarët, duke larguar të njëjtit nga komisionet në kuadër të kësaj ministrie.
Madje Bexheti shkon më tej – thotë se Janevska këtë e ka bërë edhe duke i ofenduar dhe kërcënuar të njëjtit.
“Ministres së Arsimit dhe Shkencës, Vesna Janevskës siç duket nuk i ka mjaftuar vetëm që i “pastroi” shqiptarët nga çdo komision i ministrisë, e njejta pas shpërthimit të këtij skandali nuk i ka kursyer as edhe kërcënimet dhe ofendimet më të ulëta ndaj të punësuarve shqiptarë.
Skandalet nuk mund ti mbajë të fshehura duke i kërcënuar punonjësit shqiptarë në ministri, si fajtor kujdestarë për keqpërdorimrt dhe shkeljet që i bën vetë si pasojë e dobësive menaxhuese.
Ofendimet e saj mbi baza etnike, por edhe më e turpshme ofendimet personale dhe familjare nuk munden ta frikësojnë asnjë administrator shqiptarë në Ministrinë e Arsimit dhe Shkencës. Vetëm përshfaqin primitivizmin e saj dhe urrejtjen patologjike që ka për bashkëqytetarët e saj shqiptar”, shkroi Bexheti në Facebook. https://www.facebook.com/share/p/EV62Xj5q7sfmaxy6/?mibextid=oFDknk