Para se t’i dorëzojnë paditë për rivotimet e shpallura nga Komisioni Shtetëror i Zgjedhjeve pasi kjo e fundit shqyrtoi parashtresat e VLEN-it dhe VMRO-së, Arbër Ademi nga BDI ka apeluar deri të Gjykata Administrative që siç thotë, të mos bëhen pre dhe aktorë të marrëveshjeve politike që kanë për qëllim mosrespektimin e vullnetit të lirë të qytetarëve, transmeton TV21.
“Apelojmë deri të Gjykata Administrative, deri të të gjithë ata që do të vendosin për të gjithë këto çështje që të udhëhiqen nga drejtësia dhe parimet e drejtësisë me rastin e vendosjes së tyre e asesi mos të bëhen pre dhe aktorë të të gjitha këtyre marrëveshje politike që kanë për qëllim devijimin dhe devalvimin, mosrespektimin e votës së lirë të qytetarëve”, tha Ademi.
