Rina Ajdari është e lindur në vitin 1984 në Tetovë, Republika e Maqedonisë. Shkollën fillore e kreu në Tetovë në periudhën kohore 1991-1999 kurse gjimnazin e përgjithshëm e kreu poashtu
në Tetovë në periudhën kohore 1999-2003. Në vitin 2007 diplomoi në Fakultetin e Shkencave dhe Teknologjive të Komunikimit, Drejtimi i Shkencave të Komunikimit në Universitetin e Evropës Juglindore në Tetovë. Nga viti akademik 2009 deri më 2012 i vazhdoi studimet pasuniversitare në Fakultetin e Gjuhëve, Kulturës dhe Komunikimit, Programi studimor: Strategji mediale, në Universitetin e Evropës Juglindore në Tetovë, ku i mbaroi provimet e parapara dhe në vitin 2012 fitoi gradën shkencore Magjistër i strategjive mediale.
Ka vazhduar studimet e rregullta të doktoraturës në Universitetin „Shën Kirili dhe Metodi“ në Shkup dhe në vitin 2022 ka fituar gradën Doktor shkence me temën e disertacionit: “Rëndësia e sferës publike për funksionimin dhe zhvillimin e Bashkimit Evropian si dhe progresin e integrimit të Maqedonisë së Veriut”
Nga viti 2007 deri në vitin 2019 ka punuar si mësimdhënëse në Fakultetin Juridik, Programi studimor: Gazetari dhe media, në Universitetin Shtetëror të Tetovës.
Që nga viti 2020 është e punësuar si mësimdhënëse e rregullt në Universitetin “Nënë Tereza” në Shkup, në Fakultetin e Mediave dhe komunikimit ndërkulturor.
Nga nëntori i vitit 2020 ka marë mandatin e deputetes në Kuvendin e Republikës së Maqedonisë së Veriut.
Veprimtarinë politike e ka filluar në vitin 2009 si akriviste dhe anëtare e Bashkimit Demokratik për Integrim. Në vitin 2015 është zgjedhur Kryetare e Forumit të gruas të Këshillit vendor në Poroj ndërsa në vitin 2019 është zgjedhur Nënkryetare e forumit të gruas në nivel republikan. Aktualisht është deputete dhe anëtare e Kryesisë së Degës së BDI-së në Tetovë.
Nënë, bijë, bashkëshorte, mësimdhënëse, shoqe, bashkëveprimtare për të drejtat e njeriut dhe të drejtat e grave dhe vajzave me bindjen dhe përkushtimin më të madh.
Doc.Dr. Rina Ajdari kandidate për deputet nga Fronti Europian
