Është mëse e qartë, se lojërat që po i bën opozita shqiptare janë shumë të ulëta! Abuzimi me pushtetin lokal nuk ka qenë asnjëherë më i madh dhe është shqetësuese se çfarë po bëjnë për t’a kamofluar humbjen e madhe që e përjetuan më 24 prill, e që do të thellohet edhe më shumë më 8 maj!
Së fundmi Lëvizja e Bilall Kasamit i ka pamundësuar Frontit Europian reklamimin në autobusët e qytetit. Edhe atë duke pasur parasysh që këto autobusë janë pronë e ndërmarrjes që e ka themeluar Komuna e Tetovës, pra janë të të gjithë qytetarëve dhe jo të Lëvizjes së Bilall Kasamit.
Lëvizja e Bilall Kasamit po e keqpërdor edhe Komunën e Tetovës por edhe pronën e saj dhe këtë e bën vetëm nga frika e madhe që e kanë ndaj dushit të ftohtë që i pret më 8 maj, fitores së madhe të Frontit Europian që do të ndodhë në të gjitha anët, nga Struga e deri në Likovë.
Vetë rezultati i 24 prillit dëshmoi se tetovarët nuk nënshtrohen dhe se i njohin mirë gënjeshtarët dhe mashtruesit.
Komunën e Tetovës dhe ndërmarrjet e saja, Kasami i ka shndërruar në vegla partiake të cilat i përdorë për qëllime të ulëta të një grupi kriminel që e rrethon atë.
I bëjmë thirrje që menjëherë të reflektojnë pasi që përveç dënimit të qytetarëve, do të përballen edhe me ligjin për të gjitha shkeljet që i bëjnë për interesa të ulëta klanore!” thuhet në reagimin e BDI- Tetovë
