Skuadra angleze Nottingham Forest ka nënshkruar me sulmuesin ganez, Andre Ayew, deri në fund të sezonit. Për marrëveshjen ka njoftuar klubi i Premier League.
Kapiteni i Ganës ishte lojtar i lirë dhe së fundmi ishte te skuadra e Kataritm Al-Sadd, ku luajti që nga viti 2021.
Ayew rikthehet në Angli ku kishte luajtur te Swansea City dhe West Ham United.
“Është një ndjenjë e mrekullueshme të nënshkruash për Nottingham Forest”,ka thënë Ayew. “Unë e di se çfarë mund t’i sjell skuadrës, jam gati të jap gjithçka që ne të jemi në gjendje të qëndrojmë në Premier League”.
Nottingham Forest në tabelën e kryesuar nga Arsenal është në vendin e trembëdhjetë me njëzet e një pikë.