Në tubimin qendror të Koalicionit VLEN, sonte nga Komuna e Zhelinës, lideri i Lëvizjes Demokratike, z. Izet Mexhiti theksoi se Open Ballkani dështoi, sepse BDI donte me Sërbinë dhe pa Kosovën, ndërsa me Koalicionin VLEN nuk ka më pa Kosovën dhe as kundër Kosovës.
“Si mundet që Bujar Osmani të paraqitet si pro-evropian, kur pikërisht ai e priti Llavrovin dhe Vuçiçin? Ai në fushatë paraqitet si haxhi, ndërsa në pushtet përkrah LGBT, në fushatë del nga Open Ballkani, në pushtet futet në Open Ballkan, në fushatë me autobus, në pushtet me mercedes, në fushatë thotë nuk më mjafton rroga, në pushtet blejnë kompani me miliona euro. Mashtrimeve tuaja u ka ardhur fundi. Open Ballkani dështoi, sepse ju donit me Sërbinë dhe pa Kosovën, ndërsa me Koalicionin VLEN nuk ka më pa Kosovën dhe as kundër Kosovës.”, tha Mexhiti.
Mexhiti nga Zhelina: Mashtrimeve ju ka ardhur fundi
