Kryetari i Alternativës, Afrim Gashi ka vazhduar takimet me qytetarët edhe gjatë ditës së sotme. Paraditen e së dielës ai ka takuar bujqit e vyer të fshatit Bërnjacë, ku është njoftuar nga afër me hallet që kanë ata dhe punën që po e bëjnë.
Sipas Gashit, këta bujq me angazhimin e tyre janë meritorët që qytetarët të shtrojnë sofrat me bukë.
“Është e pakt të themi Zoti ju rujt e ua shtoftë bereqetin. Falë punës tuaj të palodhshme qytetarët shtrojnë sofrat me bukë. E ju pavarësisht se jeni përballur me sfida të mëdha nuk jeni dorëzuar. As vërshimet e mungesa e përkrahjes institucionale nuk iu kanë zbehur vullnetin për punë, por përkundrazi jeni treguar më gë fortë”, ka thënë Gashi duke shtuar se nuk asnjë pengesë që ndal punën e bujqve.
“Na keni dëshmuar se gjithçka që bëhet me djersë e punohet me këto duar të arta nuk ka pengesë që i del përpara. Dhe me këto duar mund të ndryshoni gjithçka. Prandaj ne marrim mësim se ndryshimi ia vlenë”.
