Kandidati i Frontit Europian për president, Bujar Osmani sot në debatin e hapur në Bibliotekën Nacionale dhe Universitare “Shën. Klimenti i Ohrit” – Shkup tha se propozon që pushteti dhe opozita në Maqedoninë e Veriut të ndjekin modelin e Kroacisë në rrugëtimin drejt BE-së, përcjell TV21. Osmani tha se me një marrëveshje të këtillë, ku bashkërisht do të veprohej në procesin e përfundimit të kapitujve, vendi shumë më lehtë do të bëhej anëtare e BE-së deri në vitin 2030.
“Llogaris që deri më 2030 ne të jemi anëtare në BE. Këtë do e arrijmë vetëm nëse bëjmë konsensus shtetëror për këtë çështje. Unë edhe si ministër i Jashtëm kam kërkuar që të ndjekim modelin e Kroacisë. Kroacia çfarë bën, merren vesh, aso kohe më duket ka qenë Sanader dhe…tash nuk më kujtohet lideri i opozitës, ata merren vesh pozita-opozita dhe thonë kështu, do të garojmë për secilën temë tjetër, do të garojmë, shëndetësinë ju do e bëni kështu, ne do bëjmë kështu, por jo për BE-në. Edhe ata thonë do të garojmë ndërmejt vete për të gjitha temat, por jo temat që dalin prej direktivave dhe rregullativave. Ia japin dorën njëri-tjetrit, asnjë debat në Parlamentin kroat nuk ka pasur ndërmjet pozitës dhe opozitës, asnjë pëplasjes politike nuk ka pasur ndërmjet pozitës dhe opozitës”