Në organizim të Institutit për kontabilistë dhe kontabilistë të autorizuar (ISOS) sot në Shkup do të mbahet konferenca rajonale: “Kontabiliteti në rajon – trendët, sfidat, standardet dhe perspektivat”. Kjo është konferencë e parë e këtij formati që mbahet në vendin tonë.
Në konferencën e cila do të mbahet nën moton “Besojmë në numrat” (In numbers we trust) pritet të marrin pjesë rreth 300 kontabilistë nga vendi, përfaqësues të organizatave profesionale të kontabilistëve dhe punonjës financiarë nga rajoni, përfaqësues të institucioneve, organizatave dhe kompanive të vendit si dhe ekspertë vendas, rajonal dhe ndërkombëtar të kësaj fushe.
Qëllimi kryesor i konferencës është të iniciohet debat që do të rrisë ndërgjegjësimin në shoqëri për situatën aktuale, sfidat dhe perspektivat për zhvillimin e profesionit të kontabilitetit në vendin tonë, duke marrë parasysh përvojat e vendeve të rajonit, pikëpamjet e tyre dhe rekomandimet e ekspertëve si dhe përfaqësuesve të institucioneve dhe sektorit të biznesit.
Në kuadër të konferencës është planifikuar të zhvillohen tre panel diskutime kushtuar rrugës drejt anëtarësimit në Federatën ndërkombëtare të kontabilistëve (IFAC), situatave dhe sfidave me të cilat përballet kontabiliteti në rajon, si dhe gjendjes dhe perspektivës aktuale për zhvillimin e mëtejshëm të profesionit të kontabilitetit në Maqedoni.
Konferencën do ta hapin: kryetarja e ISOS Vesna Prentoska, kryetari i Këshillit për avancim dhe mbikëqyrje të profesionit të kontabilitetit – Goran Rafajlovski dhe ministri i Financave Fatmir Besimi.
