Pasiqë kreu i VMRO DPMNE-së Hristijan Mickoski bëri publike emrat e bartësve të listave për deputetë në të 6 zonat zgjedhore, pritet që partia më e madhe opozitare ditën e enjte të publikojë komplet listat e kandidatëve për deputetë.
Kështu, për bartës liste në zonën e parë zgjedhore është vetë kreu i partisë Hristijan Mickoski, në zonën e dytë bartës do të jetë nënkryetari i partisë Vlado Misajlovski, Dragan Kovaçki në zonën e tretë zgjedhore kurse nënkryetari tjetër Aleksandër Nikolovski do të jetë bartës në zonën e katërt zgjedhore. Më pas, sekretari gjeneral që është dhe deputet aktual Gjorgji Sajkovski do të jetë bartës në njësinë e pestë kurse deputetja Dafina Stojanovska do të drejtojë listën në njësinë e gjashtë zgjedhore.
