Kreshnik Bekteshi nga BDI nga studio e Klan Debat i bëri thirrje kryetarit të Lëvizjes Demokratike Izet Mexhiti dhe kryetarit të Komunës së Çairit Visar Ganiut që të mos ikin nga debatet por le të zgjedhin cilido studio për të ballafaqur idetë.
“Ne si BDI nuk ikim nga debatet në ballafaqim të ideve, në ballafaqim të propozimeve në të cilën do të dalim dhe do të garojmë në zgjedhje dhe të mos frikësohen që të ballafaqohen drejtpërdrejtë me eksponentët e BDI-së të pranojnë ftesat në çdo studio televizive ku ata do të dëshirojnë, për shkak se jam i bindur se qytetarët kanë nevoj që drejtpërdrejt të njoftohen se çka përfaqësojmë si grupime të ndryshme politike dhe çka do të jenë ofertat konkrete”, deklaroi Kreshnik Bekteshi nga BDI.
