Sot, më datë 07.03. 2024, në hapësirat e Universitetit Shtetëror të Tetovës, me rastin e 7 Marsit, dita e mësuesit, u bë ndarja e çmimit më të lartë që ndan UT-ja e që mban emrin e njërit nga themeluesit e Universitetit të Tetovës, “Fadil Sulejmani”, për Kryeministrin e RMV-së, z. Talat Xhaferi dhe për këngëtarin e mirënjohur të trevave shqiptare, z. Ilir Shaqiri. Në këtë manifestim në mesin e shumë figurave të shquara të jetës publike, të pranishëm ishin edhe Reisul Ulema i Bashkësisë Fetare Islame, H. Hfz. Shaqir Ef. Fetai dhe U. D Mufti i Muftinisë së Tetovës, Dr. Selver Ef. Xhemaili. Reisul Ulema, pas këtij eventi, për shkak të interesimit të madh, u prononcua për mediat.
