Oda e Avokatëve të Kosovës është bërë më kryetar të ri. Avokati Besnik Berisha është drejtuesi i kësaj organizate.
Në Kuvendin Zgjedhor të OAK-së janë zgjedhur kryetari, nënkryetari dhe anëtarët e rinj në organet tjera.
Me 40 vota të delegatëve në krye të OAK-së u zgjodh avokati, Besnik Berisha, i cili la pas vetes kundër-kandidatët e tij, Behar Ejupi që mori 16 vota, Yll Zekaj 18 vota dhe Nasuf Hasani me 7 vota.
Pas zgjedhjes në krye të Odës, avokati Berisha ka thënë se do të fokusohet në tri shtylla, në dinjitet, zhvillim dhe disiplinë.
Sipas tij, çdo cent që do të shpenzohet do të bëhet në mënyrë transparente.
Në votim kanë marrë pjesë 83 delegatë, të cilët janë të pranishëm në këtë Kuvend Zgjedhor.
