Lidhja e Sindikatave të Maqedonisë (LSM), që ta parandalojë konfiskimin e Shtëpisë së Punëtorëve, ka ngritur propozim për përsëritjen e procedurës para Gjykatës Themelore Civile dhe kërkon që sa më shpejtë që është e mundur ky propozim të dorëzohet në Gjykatën Supreme që të veprohet shpejtë dhe në mënyrë efikase, për shkak të dëshmive të reja të dorëzuara.
Siç bëri të ditur sot në konferencë për media kryetari i LSM-së, Sllobodan Trendafillov, për maksimum një javë deri një javë e gjysmë, Lidhja do të fillojë me një varg protestash të cilat do të kulminojnë me protestë të madhe të punëtorëve më 1 Maj. Ai bën thirrje që në protesta të përfshihen edhe sindikatat e tjera.
Sipas Trendafilovit, i cili shprehu pritjen që procedura të përfundojë për 30 deri në 45 ditë, si dhe se do të fitojë drejtësia, Shtëpia e Punëtorëve duhet tu mbetet punëtorëve, ndërsa ligji nuk mund të zbatohet në mënyrë selektive. Vlerësimi i tij është se nëse eventualisht vendoset që LSM-së t’i merret objekti, atëherë një gjykim i tillë do të keqpërdoret nga të gjithë dhe mbi të gjitha pikërisht nga LSM-ja, e cila në një kohë shumë të shkurtër do të mund të fillojë procedurat për konfiskimin e pronësisë së pronave të disa subjekteve politike, të cilat, sipas tij, mund të çojnë në zhdukjen e tyre, madje edhe në kolaps të shoqërisë.
Kryetari i LSM-së shpreson se gjykatësit nuk do t’i nënshtrohen presionit politik, biznesor ose oligarkik. Vlerëson edhe se për këtë rast duhet të interesohet Gjykata Kushtetuese deri te e cila, tha, do të parashtrohet kërkesë që të konfirmohet nëse është shkelë Kushtetuta.
Në lidhje me propozimin e grupit parlamentare të LSDM-së të parashtruar dje për ndryshime ligjore me të cilat nuk do të rriten pagat e funksionarëve, Trendafillov përkujtoi se LSM tashmë ka dorëzuar një propozim të tillë qysh në gusht të vitit të kaluar.
“LSM ka dorëzuar propozim të tillë në gusht të vitit të kaluar që tu ndihmojë që të mos torturohen, të mos ndryshojnë shtatë ligje, por të ndryshojnë vetëm një nen nga një ligj i cili do të mundësojë kthimin e pagave të funksionarëve para vendimit të turpshëm të Gjykatës Kushtetuese me të cilin iu rritën pagat për 78 për qind”, theksoi Trendafillov.
Duke u përgjigjur në pyetjen e gazetarëve në lidhje me konfiskimin e Shtëpisë së Punëtorëve, ai thekoi se “propozimi për përsëritjen e procedurës e hedh poshtë çdo papërcaktueshmëri të gjykatësve të cilët janë jashtë kornizës juridike dhe arsyes së shëndoshë, sepse bindja e lirë gjyqësore nuk mund të jetë më e fuqishme nga dokumentet, nga Kushtetuta, nga vendimet e Gjykatës Kushtetuese, si dhe nga ligjet të cilat janë zbatuar edhe më herët edhe sot”.
