Kreu i BDI-së, Ali Ahmeti, ditë më parë nuk e mohoi se mund të jetë kandidat i BDI-së për president të vendit, por gjatë së shtunës deklaroi se kjo cështje nuk është shtruar në organet e partisë dhe pas diskutimeve do të veprohet. Sipas tij, të gjitha opsionet mbeten të hapura.
Por, një gjë, sipas deklaratës së liderit të integristëve, mbetet e qartë – BDI-ja do të ketë kandidat për president.
“Tani jetën e kemi përpara dhe duhet ndërtuar strategji duhet krijuar teren për hapat e mëtutjeshme.
-BDI a do të nxjerr kandidat për President?
Sigurisht edhe Bashkimi Demokratik për Integrim derisa u politizua kandidatura për President edhe BDI do të ketë kandidatin e vet”, tha Ali Ahmeti.
Këto komente kreu I BDI-së I bëri gjatë shënimit të “Ditës së Plisit” në Shkup, ku nën përkujdesje të Ministrisë për Sistem Politik dhe Marrëdhënie ndërmjet Bashkësive, në Teatrin Shqiptar në Shkup, për nder të përvjetorit të Pavarësisë së Kosovës, u mbajt Koncerti solemn i Ansamblit Shtetëror të Këngëve dhe Valleve Popullore Shqiptare në Maqedoninë e Veriut.
Ali Ahmeti: BDI do të ketë kandidatin për President!
