Medai Shaholli
Motorët e parafushatës elektorale për zgjedhjet parlamentare të 8 majit tashmë janë ndezur, duke u tubuar nëpër salla dhe ambiente të mbyllura ku secila palë trumbeton për ndryshimin e madh që do të vij me opozitën LEN, poashtu dhe me pozitën të rreshtuar pas Frontit për Europën, e cila premton se do sjellin ndryshimin.
Fronti për Europën me SDSM-në DUI-n janë kampi që pèrfaqëson pozitën dhe zotohet se me fitoren e radhës ata do të bëjne të mundur hapjen e negociatave për në BE si fronti i së ardhmes europiane.
Ndërsa opozita shqiptare LEN do të dalë e bashkuar si bashkim i disa formacioneve politike të së djathtës shqiptare në “drzhavën Severna”, të cilët nga entuziazmi i sondazheve që nxjerrin komitët e Mickos si fitues të sogurtë në këtë garë, i atribuojnë vetes së tyre si fitore e opozitës që do të sjell ndryshimin.
Pra, liderët e LEN-it mendojnë se ndryshimi vjen me ta sepse vet fitorja nënkupton ndryshimin.
Për opozitën e lodhur ndër vite që shkonte në shtrat me Zajkon dhe herën tjetër me Apasievin për inat të DUI-t ndryshimi këtë radhë do ardhka me kryekomitin Micko, ku këta të lodhurit e LEN-it do ta “detyrojnë” me forcën e 12/14 kartonëve të tyre të gjelbër premierin e ri të qeverisë së koalicionit që të heq nga kushtetuta 20% e turpit!
Kjo është demagogjia e radhës e liderëve të “lodhur” të LEN-it, pasi ato nuk do të kenë forcën e kartonit të gjelbër as të shantazhit por, thjesht është lufta e tyre për mbijetesë pasi në rastin me të keq të mosdakordimit mes tyre, shfalerka DUI pret pas derës e gatshme për t’ia marrë vendin LEN-istëve të papërvojë.
Ndryshimi nuk vjen nga 12/14 kartonët e LEN-it në parlament dhe as nga 14/18 kartonët e pozitës shqiptare si DUI e ASH (grupimi i Selës) por, si kamp i bashkuar shqiptar që do të përbëjnë afro 30 kartonë të kuq dhe do t’i përdorin ato me vendosmëri kundër cilësdo qeverie që mban në kushtetutë shprehjen përdhosëse të 20% ndaj shqiptarëve!
Ky do të ishte ndryshimi dhe jo shpartallimi i shqiptarëve që pushteti i përdor ato si shfalerka te tij saherë i duhen për ineresat dhe shërbimet e tij.
Ndaj, harrojeni se do sillni ndryshimin duke qënë në kampe të ndara si ju të “lodhurit” e LEN-it poashtu dhe ju shfalerkat e pushtetit si integristët e DUI-t!
Bashkimi ben fuqinë, ndërsa garimi ne kampe të ndryshme ku secili garon për llogari të tij sjell humbjen dhe dështimin si popull.
Kur ndryshimi pritet nga të “lodhurit”!
