Sot në Kuvendin zgjedhor m’u besua edhe një mandat për ti prirë Organizatës Humanitare “El Hilal”
Të nderuar anëtarë të Kuvendit, nga thellësia e zemrës ju falënderoj për besimin e dhënë.
Si duket ska ikje nga veprimtaria jonë. Do të jemi bashkë edhe për katër vjet të tjera. Humaniteti kur të rrjedh në gjak, vështirë se mund të largohesh.
Shpresoj dhe besoj se bashkë me ju do të vazhdojmë të mbajmë vitalitetin e kësaj veprimtarie volontere, hapërimin tonë ne dekadën e katërt të humanitetit e cila është një nevojë e kohës në të cilën jetojmë. Ky është një angazhim vullnetar ku kemi mundësi të kontribuojmë për mbrojtjen e vlerave tona të trashegimisë dhe në rend të parë të ndjenjës për bamirësi, e cila thellë është e ngulitur në përditshmërinë tonë. Jo vetëm të punosh dhe veprosh si vullnetar për 33 vjet, por vetëm të mbash gjallë organizimin kërkon përkushtim dhe vendosmëri në rrugën e këtij misioni të shenjtë. Thjesht, kërkon zemër.
Na priftë e mbara bashkërisht drejt qëllimeve tona humane.
Faleminderit.
