Kryeministri i Kosovës, Albin Kurti ka komentuar fitoren e Shqipërisë ndaj Polonisë, përcjell TV21. Kurti thotë se lojtarë nga të gjitha trevat shqiptare janë të përbetuar për një qëllim, kualifikimin në Euro 2024.
“Ndeshje e paharrueshme futbolli që Shqipërinë e bën të dalë e para në grupin e saj. Urime! Me golin e sulmuesve Jasir Asani nga Shkupi i Maqedonisë së Veriut dhe Mirlind Daku nga Gjilani i Kosovës, si dhe me futbollistë edhe nga Lugina e Preshevës, të përbashkuar me një qëllim: kualifikimi për EURO 2024. Fitorja e mbrëmshme 2:0 përmbylli një fundjavë të jashtëzakonshme të vendeve tona e sportit te ne. Bravo!”
