MASHTI: 130 mijë aplikantë i kanë pranuar mjetet për tekstet shkollore, të tjerëve do t’iu dalin në fillim të javës së ardhshme

“Platforma eKosova ka 812,000 përdorues të cilët marrin shërbime. Ndër shërbimet tjera është edhe moduli për aplikimin për tekstet dhe materialet shkollore, i cili është i thjeshtë dhe zgjatë shumë pak. eKosova ofrohet nga Agjencia e Shoqërisë së Informacionit e cila po vazhdon të ofrojë mbështetje në funksionimin e platformës”, ka bërë të ditur Kelmendi.

Sidoqoftë, për ta lehtësuar edhe më shumë këtë proces të aplikimit për pjesën e mbetur të atyre që për arsye të ndryshme nuk kanë mundur të aplikojnë, zëvendësministri i Arsimit ka thënë se do të ofrojnë edhe asistencë fizike nëpër komuna.

“Lokacionet për secilën komunë do t’i bëjmë publike bashkë me institucionet tjera mbështetëse. Për informimin tuaj, procesi i furnizimit me tekste shkollore me këtë praktikë është shumë më i shpejtë sesa me praktikat e aplikuara në vitet e mëhershme. I falënderojmë të gjithë prindërit, mësimdhënësit dhe të gjithë punëtorët e arsimit për angazhimin në këtë proces”, ka përfunduar ai. /Telegrafi/