Presidenti i Rusisë, Vladimir Putin, po kërkon që të ketë aleatë të fuqishëm në krah, ndërsa shpresat i mban tek përgjigja e drejtuesit të Koresë së Veriut Kim Yong Un.
Së fundmi lideri rus i kërkoi Kim që të forcojnë marrëdhëniet në të gjitha frontet, teksa më pas i uroi edhe 75-vjetorin e themelimit të Koresë së Veriut.
“Jam i bindur se falë përpjekjeve tona të përbashkëta, ne do të vazhdojmë t’i forcojmë marrëdhëniet tona dypalëshe në të gjitha frontet”, deklaroi ai, teksa theksoi se i plotëson në tërësi kërkesat e dy popujve.
Putini shtoi se Bashkimi Sovjetik ishte vendi i parë që e njohu regjimin e Koresë së Veriut, një hap i cili ka krijuar marrëdhënie shumë të mira mes tyre.
Raportohet se Kim Jong Uni dhe Putin mund të takohen së shpejti për të biseduar për furnizimin e Rusisë me armë në luftën e saj kundër Ukrainës.
Kjo vjen pasi Rusia, e goditur nga sanksionet, kërkon me domosdoshmëri të sigurojë më shumë furnizim me armë nga aleatët e saj, në mënyrë që ta përforcojë ushtrinë në një kohë kur Kievi po e vazhdon kundërofensivën për ta çliruar territorin.
Top Channel