I pagëzuar nga ish-presidenti i SHBA-së, Donald trump si “Njeriu Raketë”, Kim Jong Um, lideri i koresë së veriut do të zhvillojë një takim me presidentin rus Vladimir Putin për të diskutuar mundësinë e furnizimit të Rusisë me më shumë armatime për luftën e saj në Ukrainë dhe bashkëpunime të tjera ushtarake, sipas burimeve të inteligjencës amerikanëve.
Prestigjiozja New York times shprehet se kim do të udhëtojë nga Pheniani, kryeqyteti i Koresë së Veriut, ndoshta me tren të blinduar, në Vladivostok, në Bregun e Paqësorit të Rusisë, ku do të takohej me zotin Putin, thanë zyrtarët. Një mundësi është që ai të shkojë edhe në Moskë.
Zoti Putin dëshiron që zoti Kim të pranojë t’i dërgojë Rusisë predha artilerie dhe raketa antitank, dhe zoti Kim do të donte që Rusia t’i sigurojë Koresë së Veriut teknologji të avancuar për satelitët dhe nëndetëset me energji bërthamore, thanë zyrtarët. Z. Kim po kërkon gjithashtu ndihmë ushqimore për kombin e tij të varfër.
Të dy udhëheqësit do të jenë në kampusin e Universitetit Federal të Lindjes së Largët në Vladivostok për të marrë pjesë në Forumin Ekonomik Lindor, i cili është planifikuar të zhvillohet nga 10 deri në 13 shtator, sipas zyrtarëve. Z. Kim gjithashtu planifikon të vizitojë Pier 33, ku ankorohen anijet detare nga flota ruse e Paqësorit, thanë ata. Koreja e Veriut feston përvjetorin e themelimit të saj më 9 shtator.
Top Channel
