Këngëtarja shqiptare, e cila jeton dhe vepron mes Zvicrës e Gjermanisë, ditën e sotme (e premte) feston ditëlindjen.
E lindur më 1 shtator të vitit 1995, artistja e famshme ka mbushur plot 28 vite jetë.
Ajo ka marrë urime të shumta për ditëlindje, e një i veçantë nuk ka munguar nga partneri i saj, futbollisti i Borussia Dortumundit, Karim Adeyemi.
Ylli i famshëm ka shpërndarë disa fotografi përkrah partneres, ku e ka uruar edhe me fjalë në gjuhën shqipe.
“Urime ditëlindjen zemër”, ka shkruar ai në një postim, gjersa në tjetrin vazhdoi: “Vetëm të mira për ty”.
Ata kanë zyrtarizuar lidhjen në rrjete sociale vetëm pak javë më parë me anë të disa imazheve të përbashkëta.
Lidhja e re e Loredanës vjen pas romancës disavjeçare me reperin Mozzik, me të cilin ka dhe një vajzë.